मेष राशि
चन्द्रमाको द्वितीय, तृतीय र चतुर्थ भावमा हुने गोचरले यो साता मिश्रित परिणाम ल्याउनेछ। धनभाव सबल रहेकाले व्यापार र आर्थिक क्रियाकलापमा लाभ प्राप्त हुनेछ। वाक्शक्ति प्रभावशाली बन्नेछ, जसको उपयोगले सामाजिक र व्यावसायिक सम्बन्ध सुदृढ हुनेछन्। धार्मिक र सांस्कृतिक कार्यमा सहभागिता बढ्ने सम्भावना छ। तथापि, कार्यस्थलमा जिम्मेवारी बढ्दै जाँदा श्रमअनुसार प्रशंसा नपाइने अनुभूति हुन सक्छ। अध्ययन र प्रेमसम्बन्धमा स्थिरता रहनेछ, तर शुक्रबार र शनिबारका दिन लगानी वा दीर्घकालीन निर्णय टार्नु बुद्धिमानी हुनेछ।
वृष राशि
चन्द्रमाको प्रथमदेखि तृतीय भावसम्मको गोचरले आत्मबल र प्रतिष्ठा वृद्धि गर्ने संकेत देखाउँछ। आत्मविश्वासले निर्णय क्षमतामा सुधार ल्याउनेछ, तर हतार र आवेगमा लिइएका निर्णयले समस्या निम्त्याउन सक्छन्—सचेत रहनुहोस्। व्यापारमा मिश्रित लाभ भए पनि सञ्चार, प्रविधि र शिक्षा क्षेत्रका लागि साता फलदायी रहनेछ। नोकरीपेशा व्यक्तिलाई कामको सराहना प्राप्त हुनेछ। विद्यार्थी जीवन अनुकूल रहनेछ भने पारिवारिक वातावरण सन्तुलित रहनेछ। प्रेम सम्बन्धमा सामान्य मतभेद सम्भव छन्।
मिथुन राशि
साताको प्रारम्भमा खर्च वृद्धि र मानसिक अस्थिरता बढ्नसक्छ, तर मंगलबारपछि परिस्थिति सुधारोन्मुख रहनेछ। बुद्धि, तार्किकता र सिर्जनशीलता बढ्नेछ। सहकर्मी र साथीहरूको सहयोग प्राप्त हुनेछ, जसले कार्यमा उत्साह थप्नेछ। आम्दानीमा सुधार देखा पर्न सक्छ। पारिवारिक मामिलामा मतभेदका संकेत छन्, तर प्रेमसम्बन्धमा समझदारी र विश्वास कायम रहनेछ। विद्यार्थीलाई परिश्रमअनुसार सफलताको सम्भावना बलियो छ।
कर्कट राशि
साताको आरम्भ पारिवारिक र व्यवसायिक पक्षका लागि अनुकूल रहनेछ। सिर्जनात्मक कार्य र सामाजिक संलग्नतामा उन्नति सम्भावित छ। रोजगारीका अवसरहरू प्राप्त हुनसक्छन्। तथापि, मंगलबार र बुधबार अनावश्यक खर्च तथा मानसिक चिन्ताले असहजता ल्याउन सक्छ। पारिवारिक दायित्व बढ्न सक्छ, त्यसैले आर्थिक संयम अपनाउनु उपयुक्त हुनेछ। विद्यार्थीले अध्ययनमा ध्यान नदिए कमजोरी देखिन सक्छ।
सिंह राशि
कर्मभाव सबल रहेकाले पेशागत क्षेत्रमा प्रगति र सम्मान प्राप्त हुनेछ। नेतृत्व क्षमताको परिचय दिन सकिने समय हो। व्यापारमा लाभ र नयाँ अवसरको संकेत छ। समाजमा प्रतिष्ठा वृद्धि हुनेछ र सन्तान पक्षबाट हर्षको समाचार पाइन सक्छ। यद्यपि, साताको अन्त्यतिर खर्च र मानसिक दवाव बढ्नसक्ने भएकाले नयाँ कार्य सुरु गर्न हतार नगर्नु बुद्धिमानी हुनेछ।
कन्या राशि
यो साता परिश्रम र प्रतिबद्धताको फलस्वरूप उल्लेखनीय उपलब्धि प्राप्त हुनेछ। धनलाभका अवसर बढ्नेछन् र जिम्मेवारी पनि बढ्नेछ। पारिवारिक वातावरण सुमधुर रहनेछ, प्रेम सम्बन्धमा सामञ्जस्य रहनेछ। पदोन्नति वा नयाँ जिम्मेवारीको सम्भावना पनि देखिन्छ। यद्यपि, विद्यार्थीहरूले ध्यान भङ्ग हुने समस्या अनुभव गर्नसक्ने भएकाले अध्ययनमा अनुशासन आवश्यक छ।
तुला राशि
साताको सुरुवात स्वास्थ्य र खर्चका कारण केही असहज रहनसक्छ। तर मंगलबारपछि भाग्य बलियो बन्दै जाँदा व्यापार, सामाजिक कार्य र धार्मिक गतिविधिमा प्रगति हुनेछ। नयाँ अवसरहरू प्राप्त हुनसक्छन्। पारिवारिक मामिलामा साना विवाद सम्भव छन्, तर संवादद्वारा समाधान सम्भव हुनेछ। विद्यार्थीका लागि साता अनुकूल र उत्पादक रहनेछ।
वृश्चिक राशि
साताको प्रारम्भ साझेदारी र सहकार्यका लागि फलदायी देखिन्छ। व्यवसायमा नयाँ साझेदारी वा सम्झौता सफल हुन सक्छ। मंगलबार र बुधबार विवाद र गलत बुझाइका कारण तनाव बढ्नसक्ने भएकाले बोलीमा संयमता अपनाउनु जरुरी हुनेछ। अन्य दिनमा धनलाभ, सरकारी सहयोग र पारिवारिक मेलमिलाप सम्भव छ। प्रेम सम्बन्धमा न्यानोपन रहनेछ, विद्यार्थीलाई राम्रो नतिजा प्राप्त हुनेछ।
धनु राशि
साताको आरम्भमा ऊर्जा र उत्साहको कमी महसुस हुन सक्छ, तर मंगलबारदेखि भाग्य बलियो बन्दै जानेछ। कार्यस्थलमा सफलता, व्यापारमा लाभ र साझेदारीमा फाइदा प्राप्त हुनेछ। आध्यात्मिक कार्य र दानपुण्यमा रुचि बढ्नेछ, जसले मानसिक सन्तोष दिलाउनेछ। पारिवारिक जीवन सन्तुलित रहनेछ, यद्यपि साताको अन्त्यमा स्वास्थ्य र खर्चमा सचेत रहनुपर्छ।
मकर राशि
यो साता बौद्धिक र सिर्जनात्मक क्षेत्रमा उल्लेखनीय सफलता प्राप्त हुने समय हो। समाजमा प्रतिष्ठा वृद्धि हुनेछ र सन्तान पक्षबाट सन्तोषजनक समाचार मिल्नेछ। व्यापारमा स्थिर लाभ हुनेछ। पारिवारिक जीवनमा सामान्य उतारचढाव भए पनि जीवनसाथीको समर्थनले स्थिति सन्तुलित रहनेछ। विद्यार्थीले अध्ययनमा ध्यान केन्द्रित गर्न सके राम्रो परिणाम पाउनेछन्।
कुम्भ राशि
साताको प्रारम्भमा पारिवारिक मतभेद वा मानसिक तनाव सम्भावित छ। तर मंगलबारपछि सिर्जनात्मकता र विचार अभिव्यक्तिको मूल्याङ्कन हुनेछ। सामाजिक प्रतिष्ठा र कार्यक्षेत्रमा प्रगति सम्भव छ। धर्मकर्म र समाजसेवामा रुचि बढ्नेछ। प्रेम र विद्यार्थी जीवनमा सन्तोष मिल्नेछ। आइतबार र सोमबारका दिन भने ठूला निर्णय टार्नु उपयुक्त हुनेछ।
मीन राशि
यो साता आत्मविश्वास र साहसमा वृद्धि हुनेछ। व्यापारमा केही उतारचढाव भए पनि कार्यक्षेत्रमा प्रभाव जमाउन सफल रहन सक्नुहुन्छ। घरपरिवारको दायित्वले व्यस्तता बढाउन सक्छ, तर जीवनसाथीको सहयोगले आत्मबल कायम हुनेछ। विद्यार्थीलाई मध्यम परिणाम प्राप्त हुनेछ। दीर्घकालीन सफलताका लागि योजनाबद्ध प्रयास आवश्यक रहनेछ।
