वि. सं. : २०८२ फागुन २४ गते आइतबार
इ.सं. : 8th March 2026 (Sunday)
सूर्योदय: बिहान ६:२३ बजे
सूर्यास्त: बेलुका १८:०८ बजे
तिथि : पञ्चमी २०:३९ सम्म, तत्पश्चात् षष्ठी
पक्ष : चैत्र कृष्णपक्ष
नक्षत्र : स्वाती १३:१९ सम्म, तत्पश्चात् विशाखा
योग : ध्रुव ०७:०८ सम्म, तत्पश्चात् व्याघात
करण : कौलव ०७:४६ सम्म, तत्पश्चात् तैतिल
चन्द्रराशि: तुला
ऋतु : शिशिर
अयन : उत्तरायण
मेष राशि
नयाँ योजना वा व्यवसाय प्रारम्भ गर्न अनुकूल समय रहेकोछ। आर्थिक गतिविधिमा उत्साहजनक प्रगति देखिनेछ भने आम्दानीका स्रोतहरू क्रमशः सुदृढ बन्ने संकेत छन्। अध्ययन–अध्यापनको क्षेत्रमा पनि सकारात्मक उपलब्धि हासिल हुने सम्भावना प्रबल छ। प्रेम सम्बन्धमा रमणीय यात्रा तथा अविस्मरणीय क्षणहरू अनुभव गर्ने अवसर मिल्न सक्छ।
वृष राशि
स्वास्थ्य सामान्यतया सन्तोषजनक रहनेछ। जग्गा–जमिन तथा भौतिक सम्पत्तिसँग सम्बन्धित कार्यहरूबाट लाभ प्राप्त हुने संकेत छन्। व्यापारिक क्षेत्रमा लगानी विस्तार गर्ने अनुकूल अवसर प्राप्त हुन सक्छ। यद्यपि, अध्ययनमा अपेक्षित उपलब्धि हासिल गर्न थप परिश्रम र एकाग्रता आवश्यक देखिन्छ।
मिथुन राशि
शैक्षिक तथा प्रतिस्पर्धात्मक क्षेत्रमा सफलता प्राप्त गर्न अतिरिक्त प्रयास आवश्यक पर्ने देखिन्छ। स्वास्थ्यमा केही कमजोरी महसुस हुन सक्छ। आफन्त वा निकट व्यक्तिसँग सम्बन्धित विषयमा विश्वासघातको सम्भावना देखिएकाले संवेदनशील निर्णय गर्दा विशेष सतर्कता अपनाउनु बुद्धिमानी हुनेछ।
कर्कट राशि
आवेग वा अनावश्यक हतारले विवाद निम्त्याउने सम्भावना रहेकाले संयम आवश्यक हुनेछ। शैक्षिक क्षेत्रमा अपेक्षाकृत कमजोर परिणाम देखिन सक्छ। व्यवसायमा सामान्य लाभ प्राप्त गर्न पनि केही कठिनाइ सामना गर्नुपर्ने देखिन्छ। धैर्य, अनुशासन र विवेकपूर्ण व्यवहार आजका लागि उपयोगी सिद्ध हुनेछ।
सिंह राशि
शत्रु तथा प्रतिस्पर्धीमाथि विजय हासिल गर्ने सम्भावना बलियो देखिन्छ। स्वास्थ्यमा सुधार आउनेछ भने कार्यक्षेत्रमा अनुकूल वातावरण निर्माण हुनेछ। अध्ययनमा उल्लेखनीय प्रगति हुने संकेत छन्। पुराना ऋण दायित्वहरू घटाउँदै नयाँ योजनातर्फ अघि बढ्ने अवसर प्राप्त हुन सक्छ।
कन्या राशि
बौद्धिक तथा सिर्जनात्मक गतिविधिमा सक्रियता वृद्धि हुनेछ। अध्ययनमा सन्तोषजनक उपलब्धि हासिल गर्न निरन्तर प्रयास आवश्यक रहनेछ। व्यवसायिक क्षेत्रमा तत्काल लगानी विस्तार नगर्नु नै हितकर देखिन्छ। प्रेम सम्बन्धमा विश्वास, समझदारी र आत्मीयता अझ सुदृढ बन्ने संकेत छन्।
तुला राशि
व्यवसायिक क्षेत्रमा उल्लेखनीय प्रगति देखिने भएकाले लगानी विस्तारका लागि समय अनुकूल रहनेछ। शैक्षिक क्षेत्रमा उल्लेखनीय सफलता प्राप्त हुने सम्भावना बलियो छ। कार्यक्षेत्रमा प्रतिष्ठा, आत्मविश्वास तथा सामाजिक प्रभाव बढ्ने संकेत देखिन्छ।
वृश्चिक राशि
स्वास्थ्यमा सामान्य कमजोरी महसुस हुन सक्छ। अध्ययनमा समय दिए पनि अपेक्षित नतिजा प्राप्त गर्न केही कठिनाइ हुन सक्छ। व्यापारबाट अपेक्षाकृत आम्दानी नहुन सक्ने भएकाले आर्थिक तथा व्यवसायिक निर्णय गर्दा धैर्य र विवेक अपनाउनु उपयुक्त हुनेछ।
धनु राशि
अघिल्लो समयदेखि रोकिएका वा अधुरा रहेका कार्यहरू क्रमशः सम्पन्न हुने संकेत छन्। नयाँ योजना वा व्यवसाय प्रारम्भ गर्न अनुकूल वातावरण बन्नेछ। शारीरिक ऊर्जा र उत्साहमा वृद्धि हुनेछ। प्रेम जीवन सुदृढ बन्नेछ भने विद्यार्थीका लागि पनि दिन उपलब्धिमूलक रहने सम्भावना छ।
मकर राशि
कृषि, भूमिसम्बन्धी तथा नगदे कारोबारसँग सम्बन्धित व्यवसायहरूबाट लाभ प्राप्त हुने संकेत छन्। विद्यार्थीहरूले अध्ययनमा उल्लेखनीय प्रगति गर्ने अवसर पाउनेछन्। परिश्रमको समुचित प्रतिफल प्राप्त हुने भएकाले आत्मविश्वास बढ्नेछ।
कुम्भ राशि
मानसिक चञ्चलता तथा निर्णयमा अस्थिरता आज चुनौती बन्न सक्छ। नयाँ कार्य प्रारम्भ गर्ने वा लामो यात्राको योजना बनाइरहनु भएको छ भने पुनर्विचार गर्नु उपयुक्त हुनेछ। निर्णयमा धैर्य, संयम र स्थिरता अपनाउनु आजको दिनमा विशेष आवश्यक देखिन्छ।
मीन राशि
स्वास्थ्यका कारण दिनको सुरुवातमा केही असहजता महसुस हुन सक्छ। खर्चको मात्रा बढ्ने तथा अनावश्यक विवादको सम्भावना देखिएकाले सावधानी आवश्यक हुनेछ। यद्यपि, दिनको उत्तरार्धतिर परिस्थितिमा सुधार आउने संकेत छन्। आर्थिक तथा व्यवसायिक पक्षमा विस्तारका नयाँ अवसरहरू प्राप्त हुन सक्छन्।
