कुम्भ राशि (Aquarious)
नामको पहिलो अक्षर: गु, गे, गो, सा, सि, सु, से, सो, दा।
राशिस्वामी: शनि।
कर्मक्षेत्र /जागिर :
कुम्भ राशिका लागि नयाँवर्ष लाभदायी रहनेछ । शनि साढेसातीको प्रभावले कार्यमा केही कठिन परिस्थितिको सामना गर्नुपर्ने देखिन्छ। जागिरको क्षेत्र मजबूत नै। देखिन्छ । पदप्रतिष्ठामा अभिवृद्धिका योग देखिन्छन् । निर्णयप्रक्रियामा बुद्धिपक्षको प्रयोग सुखद् रहनेछ।
आर्थिक:
आर्थिक दृष्टिले योवर्ष मध्यम फलदायी रहनेछ । कृषि एवं पशु चौपायबाट लाभका योग देखिन्छन् । लेनदेनमा सजग रहनु उचित हुनेछ । व्यापार व्यवसायमा मिहिनेत परेपनि पूर्णतः प्रतिफलदायी रहनेछ । सेयर व्यवसाय फलदायी नै रहनेछ । आर्थिक योजना बनाएर चल्नु सुखद् रहनेछ। कुनै पनि नयाँ लगानी वा ऋण लिने निर्णय गर्नु अघि विवेकको प्रयोग सुखद् रहने छ ।
विद्या:
विद्याको भाव सुखद् रहनेछ । अध्ययनार्थ वैदेशिक यात्राका योग पनि देखिन्छन् । प्राविधिक पक्षको अध्ययनार्थीका निम्ति वर्ष सुखद् रहनेछ । वैदेशिक क्षेत्र सुखद् नै देखिन्छ।
परिवारका दृष्टिले वर्ष मिश्रित फलदायी रहनेछ । सन्तानको सहयोग मध्यम रूपमा प्राप्त हुनेछ । दाम्पत्य पक्ष औसत फलदायी रहनेछ। परिवारका सदस्यहरूसँग खुला र सकारात्मक संवाद राख्नु सुखद् रहनेछ । प्रेमजीवन यो वर्ष सुखद् नै देखिन्छ । सकारात्मक सोचले प्रेममा सफलता मिल्ने देखिन्छ । राजनीतिमा पनि सफलता मिल्नेछ । सकारात्मक महिना : वैशाख, श्रावण, मार्ग, पौष रहनेछन् । ज्येष्ठ, आश्विन, माघ महिनामा सजग रहनु उचित हुनेछ । बुद्धिपक्षको प्रयोग पनि सुखद् रहने देखिन्छ ।
स्वास्थ्य:
स्वास्थ्यको क्षेत्र मध्यम फलदायी रहनेछ । तनाव र चिन्ताले मनोबल कमजोर हुन सक्छ । स्वस्थ खानपान र नियमित व्यायाममा ध्यान दिनु लाभप्रद रहनेछ। आध्यात्मिक दृष्टिले वर्ष फलिभूत रहनेछ । "ॐ नमः शिवाय"का साथै महामृत्युञ्जयको जप कल्याणदायी रहनेछ । आध्यात्मिक कार्यमा संलग्नता बढ्नेछ । सकारात्मक सोच र आत्मविश्वासका साथ कार्यमा अघि बढ्नु लाभप्रद रहनेछ ।
