तपाईं भरणी नक्षत्रमा जन्मेको हुनाले तपाईंको हृदय ठूलो हुनेछ। यसका साथै, तपाईंलाई कसैले कठोर शब्द बोलेमा पनि तपाईंले केही आपत्ति गर्नु हुने छैन। तपाईंले आफ्नो बारेमा धेरै कुरा व्यक्त गर्ने ठूला र आकर्षक आँखा पाउनुभएको छ। यस्तो लाग्छ कि तपाईंका आँखाहरूले पर्यवेक्षकसंग कुरा गर्दै छन्। तपाईंको निर्मल मुस्कान र मोहक मनोवृत्तिले गर्दा तपाईंले कसैलाई पनि पागल बनाउन सक्नुहुन्छ। तपाईंमा एउटा धेरै राम्रो आकर्षण हुनेछ। तपाईंका भित्री धेरै पीडाहरू भए तापनि बाहिरी भने तपाईं साह्रै निर्मल हुनुहुन्छ।
तपाईं साह्रै नै अनुकूल हुनुहुन्छ र टाढाको बारेम केही सोच्नु हुँदैन। तपाईंले आफ्नो जीवन पूर्ण रूपमा जीउन चाहनुहुन्छ र जोखिम लिएर आनन्द मान्नुहुन्छ। सही दिशा रोज्नाले र उचित सहायता प्राप्त हुनाले छिट्टै नै तपाईं आफ्नो लक्ष्यसम्म पुग्न सक्नुहुन्छ। तपाईंलाई चोर बाटो नभएर सीधा र सरल बाटो हिंड्न मन लाग्छ। तपाईं आफ्नो अन्तस्करण विरुद्ध केही गर्न मन पराउनु हुँदैन र अरूको अगाडि स्पष्ट रूपमा सबै कुरा राख्ने प्रयास गर्नु हुनेछ। कसैसंगको स्वस्थ सम्बन्ध गुमाउनु पर्ने जोखिम हुँदा पनि तपाईंले आफ्नो स्पष्ट बानी छोड्नु हुँदैन। तपाईं इमानदार हुनुहुन्छ र आफ्नो आत्म-सम्मानको राम्रो हेरविचार गर्नुहुन्छ। यसैले गर्दा तपाईंले आफ्ना सबै कार्यहरू आफैं गर्न मन पराउनु हुन्छ। भरणी नक्षत्रका स्वामी शुक्र हुन जसले लाभ, सौन्दर्य, र कलालाई संकेत गर्दछ र जसले तपाईंलाई चतुर, सौन्दर्य प्रेमी, भौतिकवादी, संगीत प्रेमी, कला प्रेमी र एउटा यात्री बनाउँछ। तपाईं राम्रा राम्रा लुगा लगाउन र शाही जीवनशैलीमा बाँच्न आनन्द मान्नुहुन्छ। यसका साथै, तपाईँले कला, गायन र खेलमा रूचि राख्नुहुन्छ। यो नक्षत्रलाई स्त्री गुणले परिपूर्ण (सौन्दर्यको शासक र कलाको प्रेमी) मानिन्छ। यसको प्रभाव महिलाहरुको लागि साह्रै नै सकारात्मक मानिन्छ। यस नक्षत्रले पुरूषलाई पनि सौन्दर्य र कलाको प्रेमी बनाउँछ। तपाईं साह्रै नै आशावादी र आफुभन्दा ठूलाको आदर गर्ने व्यक्ति हुनुहुन्छ। तपाईं मौकाको बाटो हेर्नु हुँदैन, बरु मौकामा काम शुरू गर्नुहुन्छ। तपाईंको पारिवारिक जीवन राम्रो हुनेछ। तपाईंले आफ्नो जीवन साथीसंग प्रेम मात्र नगरेर आफ्नो स्वभावले उनीलाई शासन गर्नुहुनेछ।
शिक्षा र आय
तपाईंले संगीत, नृत्य, कला, र अभिनय सम्बन्धित क्षेत्रहरू; मनोरञ्जन र थिएटर सम्बन्धित काम; मोडेलिंग, फेशन डिजाइन, फोटोग्राफी र भिडियो सम्पादन, सौन्दर्य सम्बन्धित व्यवसाय; प्रशासनिक काम; खेती; विज्ञापन; मोटर वाहन सम्बन्धित काम; होटल उद्योग; कानुन; आदि क्षेत्रहरूमा विशेष सफलता प्राप्त गर्न सक्नुहुन्छ। तपाईंको पैसा बचतमा पनि विशेष रूचि छ।
पारिवारिक जीवन
तपाईं आफ्नो परिवारलाई धेरै माया गर्नुहुन्छ र एकै दिनको लागि पनि परिवारको बिना बस्न चाहनु हुँदैन। जब विवाहको कुरा आउँछ, तपाईंले 23 वर्षको उमेरदेखि लिएर 27 को उमेर हुन्जेलसम्ममा विवाह गर्नुहुनेछ। तपाईंले आफ्नो परिवारको आवश्यकता पूरा गर्न धेरै खर्च गर्न सक्नुहुन्छ किनभने तपाईंले यसलाई साह्रै नै महत्व दिनुहुन्छ। तपाईंले आफ्नो जोडीबाट पर्याप्त प्रेम, सहयोग र विश्वास प्राप्त गर्नु हुनेछ। तपाईंले आफुभन्दा ठूलाहरूको धेरै राम्रो तरिकाले आदर गर्नुहुन्छ। यसको कारण तपाईंले सुन्दर पारिवारिक जीवनको आनन्द लिनु हुनेछ।
