गरुड पुराण: यस्ता व्यक्तिको जीवन सुखमय हुन्छ

१८ पुराणमध्येको एक गरुड पुराणको आचारकाण्डमा नीतिसार नामको एक अध्याय छ । यो अध्यायमा जीवनको सुखी र सफल बनाउने नीतिहरु बताइएको छ । जो मानिसहरु यी नीतिको पालना गर्छन्, उनको जीवनमा सुख, शान्ति कायम रहन्छ । यो पुरुणमा ६ यस्ता कुराहरु बताइएको छ, जो जीवनोपयोगी र मननीय छ । तीन ६ कुराहरु के के हुन् त ?

 

प्रत्येक अवस्थामा धैर्य कायम राख्ने

कुनै पनि काममा स्थायी सफलता त्यतिबेला मात्र प्राप्त हुन्छ, जब अन्तिम समयसम्म धैर्य कायम गर्न सकिन्छ । जतिबेला धैर्य छाडेर हामी हतार गर्छौँ, त्यति नै बेला असफल हुने सम्भावना पनि बढ्दै जान्छ । परिस्थिति राम्रो होस् वा नराम्रो सधैँ धैर्य कायम राख्नुहोस् ।

 

क्रोध नियन्त्रण गर्नु

क्रोधको कारण मानिसको सोच्ने र बुझ्ने क्षमतामा असर पर्छ । क्रोधी व्यक्तिको जीवनमा र घरमा शान्ति कायम हुन सक्दैन । जहाँ अशान्ति हुन्छ, त्यहाँ दरिद्रताको वास हुन्छ । क्रोधलाई नियन्त्रणमा लिन मन्त्र जप र ध्यान गर्नु जरुरी हुन्छ । क्रोधलाई नियन्त्रणमा लिन सकियो भने बिग्रिएको काम पनि सुधार गर्न सकिन्छ ।

 

विचार र शरीरको पवित्रताको ध्यान राख्नु

हामीले कहिल्यै पनि अर्को मानिसको नराम्रो सोच्नु हुँदैन । विचारको पवित्रता कायम राख्नुपर्छ । जो मानिस मन र शरीरको पवित्रतामा ध्यान दिन्छन्, उनीहरुलाई देवीदेवताको पनि कृपा प्राप्त हुन्छ । मनको पवित्रता राम्रो विचारबाट हुन्छ र शरीरको पवित्रता सरसफाइबाट प्राप्त हुन्छ ।

 

समस्यामा परेका मानिसको सहयोग गर्नु

गरीब तथा समस्यामा परेका मानिसहरुप्रति दयाको भावना राख्नुपर्छ । समयसमयमा यस्त मानिसप्रति आफ्नो सामथ्र्यअनुसारको सहयोग गर्दै गर्नुपर्छ । दान गर्ने मानिसमा पनि भगवान्को विशेष कृपा रहन्छ ।

 

मीठो वचन बोल्नु

घर–परिवार होस् वा समाज हामीले सधैँ मीठो वचनको प्रयोग गर्नुपर्छ । जानेर होस् नजानेर कहिल्यै पनि अर्काको मनमा ठेस पुग्नेकिसिमको काम गर्नु हुँदैन ।

 

मित्रको विरोध नगर्नु

आफ्ना शुभचिन्तक तथा साथीभाइहरुको कहिल्यै पनि विरोध गर्नु हुँदैन । साथीभाइको सहयोगमा नराम्रो परिस्थितिबाट पार पाउन सकिन्छ । साथीहरुसँगको सम्बन्ध सुमधुर बनाइराख्नु जरुरी हुन्छ ।

  • Mero Jyotish

धैरै पढिएको

  1. साप्ताहिक राशिफल २०८० वैशाख १० गतेदेखी १६ गते सम्म (Weekly horoscope Nepali of 23 to 29 April 2023)
  2. साप्ताहिक राशिफल २०८० वैशाख १७ गतेदेखी २३ गते सम्म (Weekly horoscope Nepali of 30 April to 6 May 2023)
  3. २०८० साल जेठ महिनाको मासिक राशिफल
  4. २०७९ को फागुन महिना तपाईंको राशिको लागि कस्तो रहला ? हेर्नुहोस् फागुन महिनाको मासिक राशिफल
  5. ग्रहगोचर अनुसार २०७९ को माघ महिना तपाईंको राशिको लागि कस्तो रहला ? हेर्नुहोस् माघ महिनाको मासिक राशिफल
  6. २०८० को भाद्र महिना तपाईंको राशिको लागि कस्तो रहला ? हेर्नुहोस् भदौं महिनाको मासिक राशिफल
  7. २०८० साल वैशाख महिनाको मासिक राशिफल
  8. २०८० साल श्रावण महिनाको मासिक राशिफल
  9. ग्रहगोचर अनुसार २०७९ को मङ्सिर महिना तपाईंको राशिको लागि कस्तो रहला ? हेर्नुहोस् मासिक राशिफल
  10. ग्रहगोचर अनुसार २०७९ को असोज महिना कुन राशिको लागि कस्तो रहला ? हेर्नुहोस् मासिक राशिफल
  • Mero Jyotish