स्वाति नक्षत्रको फल

तपाईं मेहनती हुनुहुन्छ र कठित परिश्रमले नै सफलता प्राप्त गर्ने साहस राख्नु हुन्छ। आध्यात्मिकता प्रति तपाईंको धेरै चासो छ। तपाईं एकजना कुशल कूटनीतिज्ञ हुनुहुन्छ र तपाईंको दिमाग राजनीतिमा राम्रो काम गर्दछ। राजनीतिका चालहरू तपाईंलाई कुनै नौलो कुरा होइन। तपाईं सधैं चनाखो र सजग रहने कारण पनि यही हो। मेहनतको साथै तपाईंले आफ्नो बुद्धिको राम्रो प्रयोग गर्नहुन्छ र आफ्नो काम गराउनमा कुशल हुनुहुन्छ। तपाईं राम्रो स्वभावको हुनुहुन्छ; त्यसैले मान्छेहरूसंग तपाईंको राम्रो सम्बन्ध छ। तपाईंको स्वभाव र व्यवहारको कारणले गर्दा तपाईंलाई मानिसहरूले विश्वास गर्दछन्। तपाईंमा मान्छेहरूको लागि राम्रो भावना छ, तपाईँले उनीहरूको सहायता प्राप्त गर्नुहुन्च र समाजमा राम्रो प्रतिष्ठा हुनेछ। अन्य मान्छेहरूको लागि तपाईंको हृदयमा दया र सहानुभूति छ। स्वतन्त्र विचार भएको हुनाले तपाईं अरूको दबाबमा काम गर्न चाहनु हुन्न। यसै कारण तपाईंले गरेको कार्यमा पूर्ण स्वतन्त्रताको अपेक्षा राख्नुहुन्छ। कुनै चाकरी होस वा व्यापार, तपाईं सबैतिर सफल हुनु हुनेछ। तसर्थ, तपाईंको अवस्था चाकरी, व्यापार आदिको दृष्टिले हेर्दा धेरै नै असल देखिन्छ। तपाईं महत्वाकांक्षी हुनुहुन्छ र यसै कारणले तपाईं उन्नतिको शिखरमा पुग्नुहुन्छ। तपाईंले कुनै पनि काम धैर्यपूर्वक र योजनाबद्ध तरीकाले गर्नु हुनेछ। तपाईं आफ्नो उद्देश्य प्राप्त गर्न कहिल्यै हतारिनु हुँदैन। तपाईंको अनुहार सधैं मुस्कानले सजिएको हुन्छ। तपाईंले भक्तिका साथै सामाजिक मान्यता र परम्पराको पालना गर्नु हुनेछ। तपाईंका विचारहरू शान्तिपूर्ण, स्थिर र सफा छन्। यसै कारण तपाईंलाई आफ्नो कार्यको आलोचना भएको मन पर्दैन। तपाईंले न त अरू कसैको काममा बाधा गर्नुहुन्छ र न नै यस्तो अपेक्षा राख्नुहुन्छ। उज्जवल भविष्यको लागि, तपाईंले आफ्नो मानसिक सन्तुलन कायम राख्नुपर्छ र क्रोधित हुनबाट जोगिनु पर्छ।

तपाईंले नयाँ विचारहरूको स्वागत गर्नुहुन्छ र सधैं नयाँ कुरा सिक्न तयार रहनुहुन्छ। असम्भवलाई सम्भव बनाउनको लागि तपाईंले धेरै समय बिताउनु हुन्छ। तपाईंको स्वतन्त्रतामा बाधा नआएसम्म तपाईं सधैं नै अरूलाई मद्दत गर्न तयार रहनुहुन्छ। कसैलाई पनि भेदभाव नगरिकन तपाईँले सबैलाई आदर गर्नुहुन्छ। तपाईं खाँचोमा परेका र तपाईंको नराम्रो चिताउने शत्रुहरूके पनि धेरै राम्रो साथी हुनुहुन्छ। तपाईंले एक पल्ट कसैको घृणा गर्न शुरू गर्नुभयो भने त्यो भावना तपाईंको भित्र बनीरहन्छ। तपाईंको बाल्यकाल समस्यापूर्ण बितेको थियो भन्ने सम्भावना छ। तपाईं यसैले सुदृढ र मेहनती भए तापनि, यदि तपाईंले आफ्नो मनलाई नियन्त्रणमा राख्नुभएन भने आर्थिक समस्या आइ पर्न सक्छ। तपाईंले सही कदम चालेर परिस्थितिहरूलाई नियन्त्रणमा राख्न सिक्नु पर्नेछ।

शिक्षा र आय
तपाईंका अनुकूल पेशाहरू हुन् - पसले; व्यापारी; पहलमानी; खेलाडी; सरकारी कर्मचारी; यातायात; सौन्दर्य उत्पादन; समाचार एङ्करिंग; मञ्च व्यवस्थापन; कम्प्युटर वा सफ्टवेयर सम्बन्धित काम; शिक्षक-प्रशिक्षक; मनोविज्ञान सम्बन्धित क्षेत्रहरू; वकिल; न्यायाधीश; अन्वेषक; उडान व्यापार; ग्लाइडिङ, आदि।

पारिवारिक जीवन
तपाईंले वैवाहिक जीवनमा कुनै पनि प्रकारको तर्क वा झैं झगडाबाट जोगिनु पर्छ; अन्यथा वैवाहिक जीवन पीडादायी बन्न सक्छ। जति राम्रो तरीकाले तपाईंले काम गर्नुहुन्छ, त्यति नै आनन्द पारिवारिक जीवनमा प्राप्त हुनेछ। तपाईंलाई समाजमा उच्च स्थान र आदर प्राप्त गर्नमा रुचि हुनेछ। यसले गर्दा परिवारदेखि विरक्ति आउन सक्छ। त्यसैले, सन्तुलन कायम राख्ने प्रयास गर्नुहोस्।